Cofnodion - Y Pwyllgor Busnes

Lleoliad:

Swyddfa’r Llywydd, 4ydd llawr - Tŷ Hywel

Dyddiad: Dydd Mawrth, 2 Ebrill 2019

Amser: 08.30 - 09.14

Preifat

------

Yn bresennol

Categori	Enwau
Aelodau’r Pwyllgor:	Elin Jones AC, Llywydd (Cadeirydd) Rebecca Evans AC Darren Millar AC Rhun ap Iorwerth AC Neil Hamilton AC
Staff y Pwyllgor:	Aled Elwyn Jones (Clerc)
Eraill yn bresennol	Ann Jones AC, Y Dirprwy Lywydd Siân Wilkins, Pennaeth Gwasanaeth y Siambr a Phwyllgorau Siwan Davies, Cyfarwyddwr Busnes y Cynulliad Gwion Evans, Pennaeth Swyddfa Breifat y Llywydd Elin Roberts, Cynghorwr Polisi i'r Llywydd Helen Carey, Llywodraeth Cymru

<AI1>

1 Cyflwyniadau, ymddiheuriadau a dirprwyon

</AI1>

<AI2>

2 Cofnodion y cyfarfod blaenorol

Cytunodd y Pwyllgor ar gofnodion y cyfarfod ar gyfer eu cyhoeddi.

</AI2>

<AI3>

3 Trefn busnes

</AI3>

<AI4>

3.1 Busnes yr wythnos hon

Dydd Mawrth

· Atgoffodd y Llywydd y Rheolwyr Busnes y bydd ffotograffydd allanol yn y Cyfarfod Llawn heddiw ar gyfer dechrau'r Cwestiynau i'r Prif Weinidog.

· Caiff y Cyfnod Pleidleisio ei gynnal ar ôl yr eitem olaf o fusnes.

Dydd Mercher

· Cytunodd y Rheolwyr Busnes i'r cais gan y Pwyllgor Safonau Ymddygiad i drefnu dadl ar ei 'Adroddiad 01-19' yn ystod Cyfarfod Llawn yfory. Bydd cynnig i atal Rheolau Sefydlog dros dro yn cael ei gyflwyno yn enw'r Llywydd, fel rhagflaenydd i'r ddadl.

· Cynhelir yr holl bleidleisiau cyn y Ddadl Fer.

</AI4>

<AI5>

3.3 Amserlen Busnes y Llywodraeth ar gyfer y tair wythnos nesaf

Nododd y Pwyllgor Busnes amserlen busnes y Llywodraeth ar gyfer y tair wythnos nesaf.

Nododd y Rheolwyr Busnes y canlynol, i'w gynnal ar ôl datganiad y Llywydd ddydd Mawrth 7 Mai:

· Anerchiad gan y Prif Weinidog i nodi ugain mlynedd ers datganoli (15 munud)

</AI5>

<AI6>

3.4 Amserlen Busnes y Cynulliad ar gyfer y tair wythnos nesaf

Penderfynodd y Pwyllgor Busnes ar drefn busnes y Cynulliad a chytunodd i gynnwys yr eitemau o fusnes a ganlyn ar yr amserlen:

Dydd Mawrth 7 Mai 2019 -

· Anerchiad gan y Llywydd i nodi ugain mlynedd ers datganoli (15 munud)

Dydd Mercher 15 Mai 2019 –

· Datganiad gan Gadeirydd y Pwyllgor Safonau Ymddygiad: Cynnal Hyder yn y Weithdrefn Safonau (30 munud)

· Dadl ar Gynnig Deddfwriaethol gan Aelod (30 munud)

· Dadl Aelodau o dan Reol Sefydlog 11.21(iv) (60 munud)

· Amser a neilltuwyd i'r Ceidwadwyr Cymreig (60 munud)

</AI6>

<AI7>

3.5 Cais i drefnu dadl ar NNDM7031

Cytunodd Rheolwyr Busnes i'r cais a chytunodd i ddychwelyd at y mater ar ôl toriad y Pasg.

</AI7>

<AI8>

4 Deddfwriaeth

</AI8>

<AI9>

4.1 Memorandwm Cydsyniad Deddfwriaethol atodol ar y Bil Amaethyddiaeth

Cytunodd y Rheolwyr Busnes i gyfeirio'r Memorandwm Cydsyniad Deddfwriaethol Atodol at yr un pwyllgorau â'r memorandwm cyntaf - y Pwyllgor Materion Cyfansoddiadol a Deddfwriaethol, y Pwyllgor Newid Hinsawdd, yr Amgylchedd a Materion Gwledig, a'r Pwyllgor Materion Allanol a Deddfwriaeth Ychwanegol - gyda dyddiad terfynol o 11 Mehefin ar gyfer adrodd.

Nododd y Rheolwyr Busnes yr ansicrwydd ynghylch y llinell amser Seneddol yn San Steffan.

</AI9>

<AI10>

5 Busnes y Cynulliad

</AI10>

<AI11>

5.1 Sesiwn ar y Cyd rhwng y Cynulliad a Senedd Ieuenctid Cymru

Cytunodd y Rheolwyr Busnes mewn egwyddor i eitem fusnes ar y cyd rhwng Senedd Ieuenctid Cymru a'r Cynulliad ar 26 Mehefin 2019 ac, yn unol â Rheol Sefydlog 13.3, cytunwyd y dylai'r Llywydd wahodd rhai o Aelodau Senedd Ieuenctid Cymru i gymryd rhan yn nhrafodion y Cynulliad at y diben hwnnw.

</AI11>

<AI12>

6 Rheolau Sefydlog

</AI12>

<AI13>

6.1 Llythyr gan Gadeirydd y Pwyllgor Materion Allanol a Deddfwriaeth Ychwanegol – Rheolau Sefydlog 21.8 - 28.11

Nododd y Rheolwyr Busnes y llythyr a gwahoddwyd swyddogion i gyflwyno papur ar effaith Brexit ar y Rheolau Sefydlog ar ôl toriad y Pasg.

</AI13>

<AI14>

6.2 Papur i'w nodi - Llythyr gan y Pwyllgor Materion Cyfansoddiadol a Deddfwriaethol - Deddfwriaeth (Bil Cymru)

Nododd y Rheolwyr Busnes y papur a chytunwyd i ymgynghori â'r Pwyllgor Materion Cyfansoddiadol a Deddfwriaethol unwaith y bydd y Pwyllgor Busnes wedi cytuno ar Reol Sefydlog ddrafft ar gyfer Biliau Cydgrynhoi.

</AI14>

<AI15>

Unrhyw Fater Arall

Cwestiynau Llafar y Cynulliad

Cadarnhaodd y Rheolwyr Busnes eu penderfyniad mewn egwyddor o gyfarfod yr wythnos diwethaf i leihau nifer y Cwestiynau Llafar a gyflwynir o 15 i 12. Fodd bynnag, penderfynodd y Rheolwyr Busnes barhau â'r trefniadau pleidleisio presennol lle y caiff 20 Aelod eu dewis i gyflwyno cwestiynau yn y lle cyntaf (yna gymysgiad i ddewis 12 uchaf) am y tro. Caiff y newid hwn ei weithredu yn union ar ôl toriad y Pasg.

Cytunodd y Rheolwyr Busnes hefyd i dreialu caniatáu i Aelodau gael eu cynnwys yn y bleidlais unwaith yn unig ar gyfer sesiynau Cwestiynau Gweinidogol Llafar drwy gydol tymor yr haf, gyda'r bwriad o ddiwygio Rheolau Sefydlog pe bai'n llwyddiant.

Cwestiynau Arweinwyr a Llefarwyr, llefydd gwag o ran aelodaeth pwyllgorau, a dadleuon y gwrthbleidiau

Trafododd y Rheolwyr Busnes y materion hyn yng ngoleuni digwyddiadau diweddar a arweiniodd at leihau maint Grŵp UKIP i 3 Aelod, a chreu nifer o lefydd gwag ar bwyllgorau. Gofynnodd y Pwyllgor i swyddogion gyflwyno papur ar ôl toriad y Pasg a fyddai'n llywio ei benderfyniadau.

</AI15>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>